Organizata Joqeveritare “Dardanapress” ka dorëzuar donacionin me barna për të moshuar dhe familjet në nevojë në Komunën e Kamenicës

Organizata Joqeveritare “Dardanapress” në kuadër të projektit “Rritja e transparencës, ndërgjegjësimi i qytetarëve përmes qasjes aktive në proceset vendimmarrëse”, si pjesë e projektit “Programi Rajonal për Demokracinë Lokale në Ballkanin Perëndimor – ReLOaD”që financohet nga Bashkimi Evropian (BE) dhe zbatohet nga Programi i Kombeve të Bashkuara për Zhvillim (UNDP)në Kosovë,në partneritet me komunën kanë dhuruar donacion barna në vlerë 350 euro për luftimin e pandemisë COVID-19.

Si rrjedhojë e situatës se krijuar nga COVID19 edhe në Kosovë, programi ReLOaD ka ofruar asistencë në forma të ndryshme për grupet e cenueshme në të gjitha komunat partnere përmes disa OSHC-ve të kontraktuara në komunat përkatëse. Andaj, disa nga fondet e projektit të OJQ Dardanapress janë shfrytëzuar për blerjen e pajisjeve barnave për të moshuar dhe familjet në nevojë në Komunën e Kamenicës

Këtë donacion e ka pranuar Drejtoresha e Drejtorisë së Shëndetësisë dhe Mirëqenies Sociale, Znj.Suna Zaimi-Krasniqi dhe Drejtori i Drejtorisë për Shërbime Publike, Ambient dhe Inspektorat, Z.Ramadan Basha.

Drejtoresha e Shëndetësisë dhe Mirëqenies Sociale, Znj.Zaimi-Krasniqi falënderoi donatorët dhe tha se donacionet e tilla janë të mirëpritura për Kamenicën sidomos në këtë kohë të pandemisë.